U3F1ZWV6ZTI1MjgyMjU4OTNfQWN0aXZhdGlvbjI4NjQxMzE0Nzc2
recent
أخبار ساخنة

الكورد_بسوريا..

شو بتعرف عن #الكورد_بسوريا..

⛔ الكوردية.. هي #قومية..
الها لغة و ثقافة و أبجدية و تاريخ و ديانات متعددة.. 

⛔ الأكراد شعب اجى عمرحلتين
من مجموعة قبائل بغرب إيران..
ومجموعة قبائل هندو-أوروبية..
تجمعوا بعدة دول منها شمال العراق وشمال سوريا وجنوب تركيا..وفي اثار تاريخية بتقول انو كان الهن وجود قديم بالمنطقة.. لذلك اختلفت دقة الروايات.. 

⛔ بسوريا مافي احصائية رسمية لعددهن
والسبب انو مو الكل كان متجنس وبيحمل جنسية سورية
وخاصة جماعة القامشلي.. بس متوسط عددهن المعترف فيه حكومياَ 2 مليون نسمة تقريباَ.. 

⛔ديانة الأكراد..:
نسبة 97% منن مسلمين من اهل السنة.. 
و 1% منهن من ابناء الديانة الإيزيدية ( منطقة عفرين و القامشلي) 
و 1% منهن من اتباع الطريقة نقشبندية الصوفية
و 1% منهن  من ابناء الديانة الزرداشتية ( منطقة عفرين )

اما بإيران..لسه في أكراد من ديانة المجوس.. وهدول ماعنا منهن بسوريا..ابداَ

⛔ عانوا الاكراد من اضطهاد بعصور كتيرة بسوريا
وكان ممنوع عليهن يكتبوا كردي او يحكوا بلغتهن
داخل المؤسسات الحكومية والمدارس ..

⛔ بيتوزعوا بشمال سوريا و شرقها.
بالحسكة.. القامشلي.. حلب و ريف حلب.. و ادلب..
و اللاذقية.. وفي نسبة منيحة منهن بالعاصمة دمشق..

⛔ من اعيادهن الاساسية.. عيد النوروز
وارتبط بديانة الاكراد القديمة.. قبل اعتناق الاسلام
وهو عبارة عن احتفال بيترافق مع قدوم فصل الربيع..

⛔ أكراد سوريا هنن كرامنجيين بالغالب
بيكتبوا بحروف لاتينية بتشبه التركية..

⛔ الهن ثقافة خاصة منها العزف على البزق
ولبس شروال عريض مع زنار للوسط بالنسبة للرجال..

⛔ الحجاب مو فرض ع الفتيات عند المجتمع الكوردي
لانو بيعتبروه قناعة.. لذلك نسبة كبيرة غير محجبات..

⛔ بعض مناطق سيطرة الكورد بتمنع تعدد الزوجات.
وبيشترطوا وجود ورقة فيها توقيع خطي بالموافقة من الزوجة الاولى.. وخاصة بشمال العراق..

⛔ بصراع دائم مع حكومات الدول المقيمين فيها. لرغبتهن بالاستقلال..

⛔ بيتزوجوا من بعضهم البعض متل اي اقلية بالعالم
وهالشي منتشر بالمجتمع الكوردي..

⛔ بتشارك المراة بالفصائل الكردية المسلحة
و بيعتبروا المراة مساوية للرجل بالحقوق
لذلك بيسمحولها تزاول كل المهن

⛔ ريفيين بطبعهن و بسيطين و عايشين حياة
القرية و الجبل و الاكتفاء الذاتي..

⛔ حالياَ رفع الحظر عن اللغة الكردية بسوريا
وصار مسموح استخدامها و طلع ب2013 قرار
جعل القامشلي محافظة ولكن ما تنفذ..

⛔ مناطق الكورد بسوريا و العراق  بعيش فيها.. 
عرب و سريان و ارمن واشور و كلدان و شيشان و تركمان

⛔ مو كل الاكراد عندهن رغبة بالاستقلال..

⛔ بيمتازوا شوي بالعناد و يباسة الراس بالنقاش.. 

⛔ الإسماء الكردية مميزة..
هفال.. الان.. روجان.. إيفان.. اوجلان..
لانوا بحاولوا يحافظوا ع الإرث الحضاري تبعن
ليست هناك تعليقات
إرسال تعليق

إرسال تعليق

الاسمبريد إلكترونيرسالة